Psalms 104

Ukudumisa uMdali wezinto zonke

1Bonga iNkosi, mphefumulo wami ^a. Nkosi Nkulunkulu wami, umkhulu kakhulu ^b; wembethe ^c ubukhosi lodumo ^d. 2Ozembesa ngokukhanya njengesembatho ^e, owendlala amazulu ^f njengekhetheni ^g. 3Owabeka imijabo ^h yamakamelo akhe ⁱ aphezulu emanzini ^j, owenza amayezi abe yinqola yakhe ^k, ohamba phezu kwempiko zomoya ^l. 4Owenza izingilosi zakhe zibe yimimoya ^m, izinceku zakhe ⁿ zibe ngumlilo olamalangabi ^o. 5Wamisa umhlaba phezu kwezisekelo zawo ^p, kawuyikuzanyazanyiswa phakade laphakade ^q.

6Wawugubuzela ngokujula njengesembatho; amanzi ema phezu kwezintaba ^r. 7Ekukhuzeni kwakho abaleka ^s; elizwini lokuduma kwakho ^t aphangisa asuka ^u; 8- zenyuka izintaba, zehla izihotsha ^v - endaweni owawuwamisele wona ^w. 9Wamisa ^x umngcele angewudlule ^y, kawayikubuya agubuzele umhlaba ^z.

10Othumela imithombo ezihotsheni, yahamba phakathi kwezintaba. 11Yanathisa yonke inyamazana yeganga ^aa, obabhemi beganga bacitsha ukoma kwabo ^ab. 12Inyoni zamazulu zakhela emaceleni ayo, zizwakalisa ilizwi ziphakathi kwezingatsha ^ac. 13Uthelela izintaba ^ad esemakamelweni akhe aphezulu ^ae; umhlaba ^af usuthiswa ^ag ngesithelo semisebenzi yakho ^ah. 14Umilisela izifuyo utshani ^ai, lemibhida yokusiza umuntu ^aj, ukuveza ukudla emhlabathini ^{ak , al}, 15lewayini ^am elithokozisa inhliziyo yomuntu ^an, ukwenza ubuso bukhanye ngamafutha ^ao, lesinkwa esiqinisa inhliziyo yomuntu ^ap.

16Ziyasutha ^aq izihlahla zeNkosi ^ar, imisedari yeLebhanoni ^as eyayihlanyelayo ^at. 17Lapho inyoni ezakhela khona izidleke; ingabuzane, izihlahla zefiri ziyindlu yalo ^au. 18Intaba eziphakemeyo zingezamagogo ^av, amadwala ayisiphephelo sezimbila ^aw. 19Inyanga wayenzela izikhathi ezimisiweyo ^ax; ilanga liyazi ukutshona kwalo ^ay. 20Wenza umnyama, kube sebusuku ^az, phakathi kwabo kuphume yonke inyamazana yehlathi ^ba. 21Izilwane ezintsha ^bb zibhongela impango ^bc, lokudinga ukudla kwazo kuNkulunkulu ^bd. 22Ilanga liphuma, zibuthane, zilale ezikhundleni zazo ^be. 23Umuntu uphuma ^bf aye emsebenzini wakhe lemtshikatshikeni wakhe kuze kuhlwe ^bg.

24Minengi kangakanani imisebenzi yakho, Nkosi! Yonke uyenze ngenhlakanipho ^bh; umhlaba ugcwele inotho yakho ^bi. 25Lolulwandle olukhulu lolubanzi ^bj ngezinhlangothi, lapho okulezihuquzelayo khona ezingelakubalwa, izinto eziphilayo ezincinyane kanye lezinkulu ^bk. 26Kuhamba khona imikhumbi, uLeviyathani* ^bl owambumbela ukuthi adlale kulo ^bm. 27Zonke lezi zilindele kuwe ^bn, ukuthi uzinike ukudla kwazo ngesikhathi sazo ^{bo , bp}. 28Uyazinika, zibuthe; uvula isandla sakho, zisuthe okuhle ^bq. 29Ufihla ubuso bakho, zikhathazeke ^br; ususa umoya wazo, zife ^bs, zibuyele ethulini lwazo ^{bt , bu}. 30Uthumela umoya wakho, zidalwe; wenze bube butsha ubuso bomhlaba.

31Udumo lweNkosi kalume kuze kube nininini; iNkosi kayithokoze ngemisebenzi yayo ^bv. 32Ikhangela umhlaba, uthuthumele ^bw; ithinta izintaba, zithunqe ^bx. 33Ngizahlabelela iNkosi ngisaphila ^by; ngizahlabelela indumiso kuNkulunkulu wami nxa ngisekhona ^bz. 34Ukuzindla kwami ngaye kuzakuba mnandi; mina ngizathokoza eNkosini ^ca. 35Izoni kaziqedwe emhlabeni, kungabe kusaba khona ababi ^cb. Bonga iNkosi, mphefumulo wami. Dumisani iNkosi ^cc!